25 سے زائد صحافی کرونا وائرس کا شکار نجی ٹی وی چینلز کے کئی دفاتر کو بند کردیا گیا

اسلام آباد(مانیٹرنگ ڈیسک) کوئٹہ میں کورونا سے متاثرہ صحافیوں اور میڈیا ورکرز کی تعداد 25 سے زائد ہوگئی ،‎میڈیا رپورٹس کے مطابق کوئٹہ میں ایک دو صحافیوں میں کورونا کی تصدیق کے بعد کوئٹہ پریس کلب اور بلوچستان یونین آف جرنلسٹس نے صحافیوں اور میڈیا ورکرز کے کورونا کا ٹیسٹ کا فیصلہ کیا تھا۔پریس کلب کے ایک سینئرعہدیدار نے بتایا ہے

کہ اب تک محکمہ صحت کے توسط سے 124 صحافیوں اور میڈیا ورکرز کے ٹیسٹ کروائے جا چکے ہیں،عہدیدار کے مطابق ان میں سے 25 سے زائد صحافیوں اور میڈیا ورکرز میں کورونا کی تشخیص ہوئی ہے۔‎صحافیوں اور میڈیا ورکرز کے متاثر ہونے کے بعد کوئٹہ شہر میں الیکٹرانک میڈیا کے بعض دفاتر کو عارضی طور پر بند کیا گیا ہے جبکہ متاثرین نے آئیسو لیشن اختیار کر لی ۔